रेशम चौधरी रिहा
काठमाडौं । टीकापुर घटनामा दोषी ठहर भई थुनामा रहेका नागरिक उन्मुक्ति पार्टीका नेता रेशम चौधरी जेलमुक्त भएका छन् । राष्ट्रपति रामचन्द्र पौडेलले आममाफी दिएपछि चौधरी सोमबार बिहान रिहा भएका हुन् ।
आइतबार बसेको मन्त्रिपरिषद् बैठकले उनलाई आममाफी दिन राष्ट्रपतिसमक्ष सिफारिस गरेको थियो । उनले पाँच वर्ष जेलसजाय काटेका थिए । उनको बाँकी १४ वर्ष ९ महिना जेल सजाय छुट भएको हो उनको स्वागतका लागि आज बिहानैदेखि डिल्लीबजार कारागार बाहिर नेता, कार्यकर्ताको भीड लागेको थियो ।
