नक्कली शरणार्थी प्रकरणः संगठित ठगी, कीर्ते र राज्यविरुद्धको अपराधको कसुरमा मुद्दा चलाउन प्रहरीको राय
काठमाडौं । नक्कली भुटानी शरणार्थी बनाएर अमेरिका पठाइदिने भन्दै नेपाली नागरिकबाट पैसा असुलेर भएको ठगी प्रकरणको अनुसन्धान प्रतिवेदन प्रहरीले सरकारी वकिललाई बुझाएको छ ।
सोमबार दिउँसो प्रहरीले यस प्रकरणमा पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाणसहित ३३ जनालाई राज्यविरुद्धको, ठगी र संगठित अपराध गरी तीन खालका मुद्दा चलाउनुपर्ने रायसहितको प्रतिवेदन वकिलको कार्यलायलाई बुझाएको हो ।
अब अब फाइल अध्ययन गरेर जिल्ला अदालतमा मुद्दा दर्ता गरिने सरकारी वकिलको कार्यालयले जनाएको छ । १६ जना पक्राउ र बाँकी १७ जनालाई फरार प्रतिवादी बनाएर मुद्दा चलाउनुपर्ने प्रहरीको राय रहेको छ।
प्रहरीले उनीहरुलाई संगठित ठगी, कीर्तेसम्बन्धी कसुर र राज्यविरुद्धको अपराधको कसुर लगाउनुपर्ने राय दिएको छ । प्रहरीले यस प्रकरणमा चैत १२ गतेबाट अनुसन्धान थालेको थियो ।
