उपरथी सिलवाललाई दर्ज्यानी चिह्न प्रदान
काठमाडौं । नेपाली सेनाका उपरथी सुदर्शन सिल्वाललाई दर्ज्यानी चिह्न प्रदान गरिएको छ । बिहीबार जंगी अड्डामा आयोजित एक कार्यक्रमबीच प्रधानसेनापति प्रभुराम शर्माले उनलाई दर्ज्यानी चिह्न प्रदान गरेका हुन् ।
मन्त्रिपरिषद्को यही चैत २४ गतेको बैठकबाट सिल्वाललाई उपरथीमा पदोन्नति गरिएको थियो । उनी यसअघि सहायक रथी थिए ।
यससँगै सिल्वाल सैनिक इन्टेलिजेन्स महानिर्देशनालय (इन्टेलिजेन्स कोर)को महानिर्देशकमा नियुक्त भएको सैनिक जनसम्पर्क तथा सूचना निर्देशनालयले जनाएको छ ।
कार्यक्रममा प्रधानसेनापति शर्माले महासेनानी दर्जामा पदोन्नति भएका तीन प्रमुख सेनानीलाई पनि दर्ज्यानी चिह्न प्रदान गरेका थिए ।
