नेपाली सेनाको साइबर स्पेसमा हमला, एकजना पक्राउ
काठमाडौं । नेपाली सेनाको साइबर स्पेसमा हमला गरेको आरोपमा एक जना पक्राउ गरेका छन् । पक्राउ पर्नेमा स्याङ्जाको वालिङ नगरपालिका–१० घर भइ पोखराको बाटुलेचौर बस्दै आएका २१ वर्षीय सागर ढकाल छन्।
उनलाई प्रहरीको साइबर ब्यूरोले बिहीबार पक्राउ गरेको हो । नेपाली सेनाका साइबर स्पेसमा हमला भएको भन्दै सेनाले प्रहरीको साइबर ब्यूरोमा उजुरी दिएको थियो। त्यसपछि अनुसन्धानमा खटिएको प्रहरी टोलीले उनलाई पक्राउ गरेको हो।
