नेशनल प्याब्सनका अध्यक्ष हमाल नेतृत्वको टोलीद्वारा राष्ट्रपतिसँग भेट
काठमाडौं । राष्ट्रिय निजी तथा आवासीय विद्यालय एशोसिएशन (नेशनल प्याब्सन) का अध्यक्ष पाण्डवले हमाल ठकुरीले राष्ट्रपति विद्यादेवी भण्डारीसँग भेट गरेका छन् ।
मंगलबार राष्ट्रपति कार्यालय शीतलनिवास पुगेर अध्यक्ष हमाल सहित नेसनल प्याब्सनका महासचिव, उपमहासचिव र कोषाध्यक्षले राष्ट्रपति भण्डारीसँग भेटवार्ता गरेका हुन् । भेटमा वर्तमान समयमा देशमा उत्पन्न समस्या, मुलुकको समग्र शिक्षा, राजनीति र आर्थिक अवस्थाका बारेका राष्ट्रपतिसँग छलफल भएको अध्यक्ष हमालले जानकारी दिए ।
उनले भने, ‘नयाँ शैक्षिक सत्रको सुरुवात हुनै लाग्दा समेत विद्यार्थीहरुले अझै पाठ्यपुस्तक नपाएको अवस्था छ, हाम्रो विभागीय मन्त्रालय मन्त्री विहीन छ, यस विषयमा हामीले छलफल गरेका छौँ ।’
त्यस्तै पछिल्लो समय देशमा उत्पन्न राजनीतिक तरलता, आर्थिक मन्दी लगायतका विषयमा समेत अध्यक्ष हमाल नेतृत्वको टोलीले राष्ट्रपतिसँग छलफल गरेको थियो ।
