सिरहा–३ मा नेकपा एमालेका लीलानाथ श्रेष्ठ निर्वाचित
सिरहा । सिरहा क्षेत्र नम्बर –३ बाट नेकपा एमालेका लीलानाथ श्रेष्ठ निर्वाचित भएका छन् । श्रेष्ठ २८ हजार ६४ मत ल्याएर निर्वाचित भएका हुन् ।
उनका प्रतिस्पर्धीे नेकपा माओवादी केन्द्रका विश्वनाथ साहले २६ हजार ८८२ मत पाएका छन् । जनमत पार्टीका दिनेशकुमार यादवले ११ हजार १४६ मत पाएका छन् । यो क्षेत्रबाट २०७४ सालमा एमालेका लीलानाथ श्रेष्ठ नै निर्वाचित भएका थिए ।