नेपाल ‘अग्निपथ’ योजनामा सहभागी नभए त्यो कोटा अन्यत्रै जान्छः स्थल सेनाध्यक्ष पाण्डे



काठमाडौं । भारतका स्थल सेनाध्यक्ष मनोज पाण्डेले नेपाल ‘अग्निपथ’ योजनामा सहभागी नभए अरुलाई नै सो कोटा दिइने बताएका छन् । युनाइटेड सर्भिस इन्स्टिच्युसन अफ इन्डियाको कार्यक्रममा सेनाध्यक्ष पाण्डेले यो वर्ष नेपाली युवालाई भारतीय सेनामा भर्ती नगराउने हो भने नेपालले पाउँदै आएको कोटा अरुलाई दिने बताएका हुन् ।

पाण्डेले भने, ‘नेपालमा आम निर्वाचन अघि अग्निपथबारे कुनै निर्णय हुन सक्छ जस्तो लाग्दैन।’ पाण्डे गत साता नेपाल आउँदा उनले यसबारे नेपाली पक्षलाई बताएका थिए । तर, नेपाली पक्षले भने अग्निपथ योजनाबारे पाण्डेसँगको भेटमा चर्चा भए नभएको बारे केही खुलाएन ।

अग्निपथ योजना नेपाल, भारत र बेलायतबीच सन् १९४७ मा भएको त्रिपक्षीय सम्झौता विपरित हुने भन्दै नेपालमा त्यसको विरोध भइरहेको छ । पाण्डे नेपाल आउनु अघि सरकारले नेपालका लागि भारतीय राजदूत नविन श्रीवास्तवलाई बोलाएरै हाललाई यो योजनाबारे आन्तरिक छलफल भइरहेको र तत्कालका लागि सैनिक भर्ती रोक्न आग्रह गरेको थियो। जसकारण सेप्टम्बर अन्तिम साता हुने भनिएको ‘अग्निपथ’ योजना अन्तर्गत भर्ती क्याम्प रोकिएको थियो ।

‘अग्निपथ’ योजनालाई नरेन्द्र मोदी सरकारले भारतीय सेनामा ‘आधुनिकीकरण’को संज्ञा दिएको छ। भारतीय जनता पार्टीको सरकारले भारतीय सेनामा बढ्दो खर्चलाई घटाउने उद्देश्यले यो योजना ल्याएको हो ।

भारत सरकारले योजना घोषणाको सुरुवातमा अग्निवीरहरुको उमेर १७ वर्षदेखि २१ वर्षसम्मको हुने बताएको थियो। विरोधपछि भने उमेर हदलाई २३ वर्ष बनाइएको थियो । ‘अग्निपथ’ अन्तर्गत नै गोर्खा भर्ती भए नेपालीहरुले ४ वर्षको लागि भारतीय सेनामा काम गर्न पाउनेछन्। अनि, त्यतिबेलासम्म कमाएको रकम र निस्किँदा केही रकम लिएर उनीहरु फर्कनुपर्नेछ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
थोत्रा जहाज किन ल्याउन दिने ?

डा. युवराज संग्रौला । अनेक दुर्घटना घटिरहेका छन् । बिग्रेको प्लेन पोखरा उडन

विमान दुर्घटनाका साक्षीहरू भन्छन्-उद्दार ढिला भयो

सिबी अधिकारी, काठमाडौँ  । बुधबार बिहान झण्डै सवा ११ बजेतिर त्रिभुवन अन्तर्राष्ट्रिय विमानस्थलमा

नेपाल प्रहरीको एआइजी डा. सिंहको बिदाइ

काठमाडौँ । नेपाल प्रहरीका महानिरीक्षक वसन्तबहादुर कुँवरले प्रहरी सेवाबाट सेवानिवृत्त हुन लागेकी प्राविधिक

द्रुतमार्गको सुरुङमा काम गर्नेक्रममा ढुङ्गा लागेर एक मजदुरको मृत्यु, एक घाइते

  हेटौँडा । मकवानपुरको बकैयामा काठमाडौँ निजगढ द्रुतमार्गको सुरुङमा काम गर्ने क्रममा ढुङ्गा