अघिल्लो निर्वाचनको मतपरिणामलाई आधार बनाएर सत्ता गठबन्धनले सिट बाँडफाँट गर्ने



काठमाडौं । सत्ता गठबन्धन दलहरु आगामी प्रतिनिधिसभा र प्रदेशसभाको निर्वाचनमा सिट बाँडफाँटको पहिलो आधार अघिल्ला निर्वाचनहरुमा प्राप्त मतलाई बनाउन सहमत भएका छन् ।

प्रधानमन्त्री निवास बालुवाटारमा बिहीबार बसेको कार्यदलको बैठकमा २०७४ सालको आमनिर्वाचन र गत वैशाखको स्थानीय तह निर्वाचनमा दलहरुले प्राप्त गरेको मतलाई आधार बनाएर सिट बाँडफाँट गर्न सहमत भएका हुन् ।

बैठकपछि माओवादी केन्द्रका नेता देव गुरुङले सिट बाँडफाँटको मोडालिटीबारे कार्यदलमा सकारात्मक छलफल भएको जानकारी दिए । उनले आजको बैठकमा भएको छलफलको विषयमा सबैले आ–आफ्ना पार्टीमा कुरा राख्ने र पुनः बैठक बसेर निर्णयमा पुर्याउने बताए ।

उनले भने, ‘पाँच दलको बीचमा आउँदो निर्वाचनमा सहमतिका साथ तालमेल मिलाएर गठबन्धनकै प्रक्रियाबाट अघि बढ्नुपर्छ भन्ने स्प्रिटमै कुरा बढेको छ । सहमतिको मोडालिटीको तयार गर्ने प्रक्रियामा आज छलफल भएको छ । आज सहमतिको मोडालिटी तयार गर्ने क्रममा सकारात्मक दिशातर्फ गएको छ । सैद्धान्तिक मान्यताहरुको सन्दर्भमा सहमतिको नजिक पुगेको छ । त्यसलाई प्राक्टिसमा कहाँ कति मेल खान्छ, खाँदैन भन्ने कुरा आ–आफ्ना दलभित्र पनि अलिकति वर्कआउट गरेर आउँदो बैठकमा टुंग्याउनुपर्छ भन्ने कुरा भएको छ । आजको छलफलमा मोडालिटी तयार गर्ने कुरामा, सिद्धान्त तयार गर्ने कुरामा मोटामोटी सैद्धान्तिक रुपले सहमतिको नजिक पुग्न खोजेको छ । सदनमा उपस्थितिको आकार छ, प्रत्यक्ष र समानुपातिकतर्फ । समानुपातिक तर्फपनि विगतकालमा आएका सिटहरुकै आधारमा उपस्थिति भएको अवस्था छ । प्रत्यक्ष पनि त्यही रुपमा छ । त्यसैको सेरोफेरोमा सहमतिको मोडालिटी खोज्दै जानुपर्छ भन्ने प्रकारको कुराहरु भएको छ । आजको बसाईमा सैद्धान्तिक रुपले सहमतिको नजिक पुगेको छ ।’

आगामी निर्वाचनमा गठबन्धनबीच तालमेल गर्ने सहमति भएपछि सिट बाँडफाँटका गर्नका लागि ११ सदस्यीय कार्यदल बनाइएको थियो। कार्यदललाई भदौ पहिलो साताभित्र सिट बाँडफाँटको मोडालिटी पेश गर्न भनिएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
सुदीप गौतम जसले मर्दी हिमाललाई विश्वमाझ चिनाए

वासुदेव पौडेल, गण्डकी । पछिल्लो समयमा पदयात्रा पर्यटनमा चासो र चर्चा कमाएको गन्तव्य

राजनीतिक दल तथा उम्मेदवारले गर्न पाउने खर्चको सीमा निर्धारण(सूचीसहित)

काठमाडौं । निर्वाचन आयोगले प्रतिनिधिसभा र प्रदेश सभासदस्य निर्वाचनका लागि राजनीतिक दल तथा

कर्णालीमा ५० हजार बढी खसीबोका निर्यात हुँदा ६० करोड आम्दानी

कर्णाली । कर्णाली प्रदेशबाट यो वर्ष दसैंको लागि ५० हजार खसीबोका र भेडाच्याङ्ग्रा

च्याङग्रा किन्ने हो ? यस्ता छन् बिक्रीका लागी पोखरामा राखिएका च्याङग्रा

पोखराको सिमपानीमा बिक्रीका लागी राखिएका च्याङग्राहरु । पोखराको सिमपानीमा च्याङ्ग्रा खरिद गर्न सर्वसाधारणको