बोर्ड अध्यक्षका लागि भुवन केसीको योग्यता नपुगेको भन्दै सर्वोच्चमा रिट दर्ता
काठमाडौँ । चलचित्र विकास बोर्डका अध्यक्ष भुवन केसीको योग्यता नपुग्ने भन्दै सर्वोच्च अदालतमा रिट दर्ता भएको छ । बिहीबार नरेश पौडेललगायतले केसीको शैक्षिक योग्यता नपुग्ने भन्दै नियुक्ति बदरको माग गर्दै रिट दायर गरेका हुन् ।
सर्वोच्चका प्रवक्ता विमल पौडेलका अनुसार उक्त रिटमाथि साउन ३० गते प्रारम्भिक सुनुवाइ हुनेछ । केसीलाई साउन ९ गते सरकारले बोर्डको अध्यक्षमा नियुक्त गर्ने निर्णय गरेको थियो । अध्यक्ष पदका लागि १० जना आकांक्षी थिए । १० जनाको सूचीबाट सरकारले केसीलाई नियुक्त गरेको थियो ।
