काठमाडौँमा बालेनको १० हजार भन्दा बढी मतको अग्रता
काठमाडौं । काठमाडौँ महानगरपालिकाको मेयरमा स्वतन्त्र उम्मेदवारले अग्रता कायमै राखेका छन् । बिहान ९ बजेको मत परिणामअनुसार मेयरका स्वतन्त्र उम्मेदवार बालेन्द्र शाहले १० हजार भन्दा बढी मतान्तरका साथ आफ्नो अग्रता कायम राखेका छन् ।
उनले २१ हजार ६२२ मत प्राप्त गरेका छन् । नेपाल कम्युनिष्ट पार्टी (एमाले) का केशव स्थापितले ११ हजार ३६ तथा नेपाली कांग्रेसकी सिर्जना सिंहले १० हजार २६६ मत प्राप्त गरेको काठमाडौँका सहायक निर्वाचन अधिकृत प्रेमप्रसाद पौड्यालले जानकारी दिए ।
एमालेको तर्फबाट उपप्रमुखका उम्मेदवार सुनिता डङ्गोलले १९ हजार ६४४ मतका साथ आफ्नो अग्रता कायम राखेकी छन् भने एकीकृत समाजवादीका रामेश्वर श्रेष्ठले ६ हजार ३०१ मत प्राप्त गरेका छन । ।
