मादी गाउँपालिकाका मतदाताले यसपटक व्यक्ति राेजे, वडा नं. १२ काे राेचक नतिजा
पाेखरा, कास्कीकाे मादी गाउँपालिकाकाे अध्यक्षमा नेपाली कांग्रेसका देविजंग गुरुङ्ग निर्वाचित भएका छन् । गुरुङ्गले ६५८४ मत ल्याएर विजयी भएका छन् । उनले निकटतम प्रतिद्वन्दी नेकपा एमालेका शिवबहादुर गुरुङ्गलाइ ८३४ मतान्तरले पराजित गरेका हुन् । पराजित शिवबहादुर गुरुङ्गले ५७५० मत ल्याएका छन् ।
यस्तै उपाध्यक्षमा नेकपा एमालेकी कल्पना गुरुङ्ग निर्वाचित भएकी छन् । उनले ५८२८ मत ल्याएकी छन् । उनका निकटतम प्रतिद्वन्द्वी माओवादी-केन्द्रका लालबहादुर गुरुङ्गले भने ५६१६ मत ल्याएका छन् । वडाध्यक्ष पदमा भने वडा नम्बर १, २, ३, ५, १० र ११ मा नेपाली कांग्रेस, ४, ६, ८ र ९ मा एमाले र ७ र १२ मा माओवादी-केन्द्रका उम्मेदवारहरू निर्वाचित भएका छन् ।
मादी गाउँपालिकाकाे वार्ड नम्बर १२ मा सबै पार्टीबाट युवा उम्मेदवारहरू निर्वाचित भएका छन् । निर्वाचित हुनेमा माओवादी-केन्द्रका कृष्णराज दाहालले निकटतम प्रतिद्वन्दी नेपाली कांग्रेसका रामचन्द्र रानाभाटलाइ पराजित गरेका छन् । त्यस्तै वडा सदस्यमा नेपाली कांग्रेसका दिपेन्द्र ढकाल, नेकपा एमालेका मिलन ढकाल, लक्ष्मी गिरी र सपना परियार निर्वाचित भएका छन् ।
