नेपाली सेनाद्वारा ठूलो संख्यामा आवेदन माग
काठमाडौं । नेपाली सेनाले ठूलो संख्यामा सैन्य पदमा आवेदन माग गरेको छ । सेनाले खुला तथा समावेशी प्रतिस्पर्धाबाट चार हजार जना माग गरेको हो । भर्ना छनौट निर्देशनालयले बिहीबार गोरखापत्रमा सूचना प्रकाशित गरी विभिन्न गणका लागि सैन्य पदमा आवेदन खुला गरेको छ । चार हजारमध्ये खुलातर्फ दुई हजार ९८ जना माग गर्दै दरखास्त माग भएको छ भने अरू समावेशीतर्फ मागेको छ ।
आजदेखि वैशाख १६ गतेसम्म आवेदन दिन सकिन्छ । फारम बुझाउँदा १५० दस्तुर लाग्नेछ । ८ कक्षा पास गरेकाले पनि दरखास्त दिन पाउनेछन्। पुरूषका लागि उचाइ न्युनतम ५ फिट ३ इन्च हुनुपर्नेछ भने महिलाका लागि न्युनतम ५ फिट हुनुपर्नेछ । १८ वर्ष पूरा भई २२ वर्ष ननाघेकोले दरखास्त दिन पाउनेछन्। परीक्षा भने जेठ ५ गते हुनेछ।
