एक लाख म्यादी प्रहरीका लागि खुल्यो भर्ना
काठमाडौं । प्रहरी प्रधान कार्यालयले स्थानीय तह निर्वाचनका लागि एक लाखको संख्यामा म्यादी प्रहरी भर्ना खुलाएको छ । प्रहरी प्रधान कार्यालयले मंगलबार सूचना जारी गरी ४० दिनका लागि म्यादी प्रहरी भर्ना खुलाएको हो ।
म्यादी प्रहरीका लागि चैत ६ देखि ११ चैतसम्म आवेदन दिन सकिनेछ । यसका लागि कु्नै नैतिक पतन नदेखिएको र फौजदारी अभियोग नलागेको हुनुपर्नेछ ।
१८ वर्ष पूरा भएका र ५४ वर्ष ननाघेका नेपाली नागरिकले म्यादी प्रहरीमा भर्नाका लागि आवेदन दिन सक्नेछन् । प्रहरी जवान सरह स्वास्थ्य मापदण्ड भएकाहरुलाई भर्ना हुनका लागि योग्य मानिनेछ ।
