पार्टीको महाधिवेशनमा प्रहरी प्रशासनको दुरुपयोग नगर्न देउवालाई पौडेल पक्षको आग्रह
काठमाडौं । नेपाली कांग्रेसका वरिष्ठ नेता रामचन्द्र पौडेल पक्षले वडा अधिवेशन र क्रियाशील सदस्यता वितरणलाई निष्पक्ष बनाउन पार्टी सभापति शेरबहादुर देउवको ध्यानाकर्षण गराएका छन् ।
शुक्रबार बिहान पौडेलसहित महामन्त्री डा. शशांक कोईराला, नेताहरु प्रकाशमान सिंह, अर्जुननरसिंह केसी, डा मिनेन्द्र रिजाल र जीवन परियार सहितको टोलीले देउवालाई भेटेर ध्यानाकर्षण गराएका हुन् ।
पौडेलले भने, ‘पार्टी निर्वाचनलाई धाँधलीरहित र निश्पक्ष बनाउन सहयोग गर्नुहोस् ! मेरो नेतृत्वमा महामन्त्री डा. शशांक कोईराला, नेताहरु प्रकाशमान सिंह, अर्जुननरसिंह केसी, डा मिनेन्द्र रिजाल र जीवन परियार सहितको टोलीले आज बिहान सभापति शेरबहादुर देउवालाई वालुवाटारमा भेट गर्यौं । सो अवसरमा पार्टीका कृयाशील सदस्यहरुको छानबिन निश्पक्ष र पारदर्शी ढंगले सम्पन्न होस् र पार्टीको महाधिवेशनमा राज्यको पुलीस र प्रशासनको दुरुपयोग हुन नपाओस् भनेर ध्यानाकर्षण गरायौं ।’
कांग्रेसमा क्रियाशील सदस्यता विवादका कारण २० जिल्लाको वडा अधिवेशन प्रभावित भएको छ।