नेकपा (एकीकृत समाजवादी)मा ५५ केन्द्रीय सदस्य र ३० सांसदले गरे हस्ताक्षर
काठमाडौं । प्रस्तावित नेकपा (एकीकृत समाजवादी) को दल दर्ताको सनाखत सकिएको छ । एमालेबाट अलग भएर नयाँ दल दर्ताका लागि निवेदन दिएपछि दल दर्ताको प्रमाणपत्र दिन आयोगले बुधबार सनाखत गर्न नेताहरुलाई बोलाएको थियो ।
त्यसक्रममा ३० सांसद र ५५ जना केन्द्रीय सदस्यहरु आयोग पुगेर सनाखत गरेका हुन् । पार्टी नेता मेटमणि चौधरीका अनुसार पछि थपिएका ४ सांसदबारे भने आयोगका पदाधिकारीसँग छलफल भइरहेको छ । चौधरीले चार महिनापछि आफूहरुको पार्टी मुलुकको ठूलो पार्टी बन्ने दाबी गरे । त्यसका लागि माओवादी केन्द्र, विप्लव नेतृत्वका नेकपालगायत सबै कम्युनिष्ट पार्टीबीच एकता हुने बताए । उनले केपी ओली रहुन्जेल नेकपा एमालेसँग भने एकता नहुने बताए ।
