देश छोड्न चाहनेलाई सुरक्षितरुपमा सीमा नाकाबाट बाहिरिन दिन अफगानिस्तानलाई नेपालको आग्रह

काठमाडौं । सरकारले अफगानिस्तानमा शान्ति, सुरक्षा र अमनचयनको ग्यारेन्टी गर्न आग्रह गरेको छ । मंगलबार साँझ विज्ञप्ति जारी गरी परराष्ट्र मन्त्रालयले अन्तर्राष्ट्रिय समुदायले गरेको आग्रहलाई समर्थन गर्दै अफगानिस्तानमा विकसित भएको परिस्थिति पछि देश छोड्न चाहनेहरुलाई सुरक्षित र व्यवस्थित रुपमा हवाइ, स्थल वा अन्य सीमा नाकाबाट बाहिरिन दिन आग्रह गरेको हो ।

विज्ञप्तिमा भनिएको छ, ‘अफगानिस्तान सार्क सदस्य राष्ट्र भएकाले नेपालले त्यहाँ जहिले पनि शान्ति र स्थायित्वको आशा गरेको छ । नेपाल जहिले पनि मित्रवत राष्ट्र अफगानिस्तानको समृद्धिको कामना गर्दछ ।’