नेकपा एमालेको स्थायी र केन्द्रीय कमिटी बैठक बस्दै
काठमाडौं । नेकपा एमालेको स्थायी र केन्द्रीय कमिटी बैठक बस्दै छ । आज दिउँसो तीन बजे ललितपुरको च्यासलस्थित तुल्सीलाल स्मृति भवनमा केन्द्रीय कमिटी बैठक बस्न लागेको हो ।
केन्द्रीय कमिटी बैठक बस्नुअघि विहान ११ बजे स्थायी कमिटी बैठक बस्दै छ । बैठकले अध्यक्ष केपी शर्मा ओली राजनीति प्रतिवेदन, महासचिव ईश्वर पोखरेलले सांगठनिक प्रस्ताव र संगठन विभाग प्रमखु विष्णु पौडेलले विधान संशोधन प्रस्तावलाई एकरुपता दिने छ । त्यसपछि केन्द्रीय कमिटी बैठकमा तीन वटा प्रतिवेदन पेस गरेर छलफल खुला गरिने बताइएको छ ।
एमालेले आगामी भदौ २७ र २८ गते विधान महाधिवेशन गर्दैछ । यस्तै विधान महाधिवेशनपछि असोज ३ मा देशभरका ६ हजार ७ सय ४३ वडामा एकै दिन वडा अधिवेशन र असोज ९ मा ७ सय ५३ पालिकामा अधिवेशन गर्ने छ ।
तर एमालेको माधव नेपाल पक्षले एकताको प्रयास भइरहेको भन्दै पार्टी गतिविधि रोक्न माग गरिरहेको छ । तर पार्टी अध्यक्ष केपी ओली पक्षले भने एकताको प्रयास र पार्टीको सांगठनिक गतिविधि नरोकिने बताएको छ ।
