पूर्वप्रधानमन्त्री खनालको मिर्गौला प्रत्यारोपण
काठमाडौँ । नेकपा एमालेका वरिष्ठ नेता झलनाथ खनालको मिर्गौला प्रत्यारोपण गरिएको छ । भारतको नयाँ दिल्लीस्थित एपलो अस्पतालमा खनालको बुधबार मिर्गौला प्रत्यारोपण गरिएको उनको निजी सचिवालयले जनाएको छ ।
डाक्टर सन्दीप गुलेरियाको सर्जरी टिमले सफलतापूर्वक शल्यक्रिया गरेको जनाइएको छ । नेता खनाल केही दिन अस्पतालमामै आराम गर्नेछन् । स्वास्थ्य स्थिति सामान्य भए पश्चात उनी नेपाल फर्किने सचिवालयले जनाएको छ ।