निजी क्षेत्रलाई कोरोना महामारी नियन्त्रणमा सहयोग गर्न प्रधानमन्त्रीको आह्वान
काठमाडौं । प्रधानमन्त्री शेरबहादुर देउवाले कोरोना महामारी नियन्त्रणमा सहयोग गर्न निजी क्षेत्रलाई आह्वान गरेका छन् । बुधवार नेपाल उद्योग परिसंघको १८ औँ वार्षिक साधारण सभामा प्रधानमन्त्री देउवाले नेपाललाई कोभिड महामारीबाट मुक्त गर्नका लागि उद्योगी व्यवसायीले सहयोग गर्नुपर्ने बताएका हुन् ।
कोभिड महामारीको समस्या समाधान गर्नु सरकारको कर्तव्य भएको उल्लेख गर्दै प्रधानमन्त्रीले महामारी नियन्त्रणमा उद्योगी, व्यवसायीहरुले हातेमालो गरे छिट्टै मुक्त हुन सकिने बताए । उनले भने, सरकार कोभिड नियन्त्रणमा लागिरहेको छ । तपाईहरुले पनि हातेमालो गरिदिनुभयो भने हामी छिट्टै यो महामारीबाट मुक्त हुन सक्छौँ।’
प्रधानमन्त्रीले कोभिड महामारीका कारण धराशायी बनेको अर्थतन्त्रको समुन्नत विकासका लागि निजी क्षेत्र र सरकारले हातेमालो गर्नुपर्नेमा जोड दिए ।
