काठमाडौं । भारतीय प्रधानमन्त्री नरेन्द्र मोदीले नेपाललाई जतिसक्दो चाँडो कोभिडविरुद्धको खोप उपलब्ध गराउने प्रतिबद्धता जनाएका छन् ।
प्रधानमन्त्री शेरबहादुर देउवासँग सोमबार भएको टेलिफोन संवादमा मोदीले भारतले दिन बाँकी १० लाख कोभिसिल्ड खोपको मात्रा जतिसक्दो चाँडो उपलब्ध गराउने बताउनुभएको परराष्ट्र मन्त्रालयले जनाएको छ ।
उनीहरुबीच द्धिपक्षीय हितलाई थप प्रगाढ बनाउने बारेमा पनि कुराकानी भएको बताइएको छ । कुराकानीपछि भारतीय प्रधानमन्त्री मोदीले ट्वीट गर्दै कोभिड–१९ महामारीविरुद्ध दुई मुलुक मिलेर लड्ने प्रतिबद्धता जनाएका छन् ।
भारतले नेपाललाई १० लाख डोज खोप दिन बाँकी छ । भुक्तानी लिइसकेर पनि भारतले खोप आपूर्ति गरेको छैन । यसअघि संसदमा विश्वासको मत लिएपछि मोदीले आइतबार राति देउवालाई ट्वीटमार्फत बधाई दिएका थिए ।
In a cordial telephone conversation today, Prime Minister of India @narendramodi congratulated Prime Minister @DeubaSherbdr. The two PMs discussed further strengthening of bilateral relations. PM India assured early supply of COVID Vaccines to Nepal.@PaudyalBR @sewa_lamsal
— MOFA of Nepal 🇳🇵 (@MofaNepal) July 19, 2021
प्रतिक्रिया