व्यवसायी र मजदूर संगठनले असार १८ गतेदेखि देशभरका सम्पूर्ण सार्वजनिक सवारी संचालन गर्ने
काठमाडौं । यातायात व्यवसायी र मजदुर संघ–संगठनले मंगलबारदेखि सार्वजनिक सवारी साधन सञ्चालन गर्ने सरकारको निर्णय एकांकी भएको भन्दै सच्याउन माग गरेका छन् ।
नेपाल यातायात व्यावसायी राष्ट्रिय महासंघ, नेपाल यातायात मजदुर संघ, अखिल नेपाल यातायात मजदूर संघ र नेपाल यातायात स्वतन्त्र मजदुर संगठनले संयुक्त विज्ञप्ति जारी गरी एकांकी निर्णय सच्यान माग गरेका हुन् ।
उनीहरुले देशैभर सबै किसिमका सवारी साधन चलाउने व्यवस्था गर्न मागको सुनुवाई नगरे आफूहरुले असार १८ गतेबाट देशभरका सम्पूर्ण सार्वजनिक सवारी साधनहरु चलाउने घोषणा समेत गरेका छन् ।
