डिभिजन वन कार्यालय धादिङका सहायक वन अधिकृत ४० हजार घुससहित पक्राउ
काठमाडौं । सव डिभिजन कार्यालय धादिङका सहायक वन अधिकृत ४० हजार रुपैयाँ घुससहित पक्राउ परेका छन् । नीलकण्ठ सव–डिभिजन वन कार्यालय, धादिङका सहायक वन अधिकृत तथा कार्यालय प्रमुख कृष्ण प्रसाद पौडेललाई अख्तियार दुरुपयोग अनुसन्धान आयोगको टोलीले आइतबार ४० हजार घुसहित पक्राउ गरेको हो ।
सेवाग्राहीले फर्निचर उद्योगमा चिरानको लागि ल्याएको काठको सम्बन्धमा अनुसन्धान गर्ने भनी कागजात तयार गरी वन कार्यालयमा लगेपछि मुद्दा मिलाउनका लागि घुस रकम माग गरेको अख्तियारले जनाएको छ ।
