केही खुकुलो बनाउँदै काठमाडौं उपत्यकामा एक हप्ता थपियो निषेधाज्ञा
काठमाडौं । काठमाडौं उपत्यकामा एक साता निषेधाज्ञा थप भएको छ । काठमाडौं, भक्तपुर र ललितपुरका प्रमुख जिल्ला अधिकारीहरुको आइतबारको बैठकले कोरोनाको जोखिम नघटेको भन्दै एकसाता निषेधाज्ञा थप गर्ने निर्णय गरेको हो । भक्तपुरका प्रमुख जिज्ला अधिकारी प्रेमप्रसाद भट्टराईले संक्रमणदर ३० प्रतिशतभन्दा तल नझरेकाले निषेधाज्ञालाई निरन्तरता दिएको बताए ।
कोरोना संक्रमण रोकथामका लागि लागू गरिएको निषेधाज्ञाको म्याद सोमबार सकिँदै थियो । निषेधाज्ञा थप गरिएपनि अब किराना र पुस्तक पसलहरु बिहान ११ बजेसम्म खोल्न पाइने छ ।