फ्रान्सले पठाएको स्वास्थ्य सामग्री विशेष जहाजमार्फत काठमाडौं आइपुग्यो
काठमाडौं । कोरोना महामान्त्री नियन्त्रणका लागि फ्रान्सले पठाएको स्वास्थ्य सामग्री काठमाडौं आइपुगेको छ । फ्रान्स सरकारले पठाएको स्वास्थ्य सामग्री लिएर एयरबसको जहाज बुधबार बिहान काठमाडौं आएको हो ।
नेपालका लागि फ्रान्सका राजदूत फ्रान्कोइस जाभियर लेजरले त्रिभुवन विमानस्थलमा स्वास्थ्य तथा जनसंख्यामन्त्री हृदयेश त्रिपाठीलाई सामग्री हस्तान्तरण गरेका छन् ।
फ्रान्सले पाँच लाख चार हजार मास्क, २० हजार एन्टिजेन किट, १२ हजार चस्मा लगायतका सामग्री नेपाल पठाएको हो । स्वास्थ्यमन्त्री त्रिपाठीले सहयोगको लागि फ्रान्स सरकार र त्यहाँका नागरिकलाई धन्यवाद दिएका छन् । स्वास्थ्यमन्त्री त्रिपाठीले फ्रान्स र युरोपेली युनियनलाई कोरोना विरुद्धको खोपको लागि सहजीकरण गरिदिन पनि आग्रह गरेका छन् ।
