काठमाडौं । नेपाली कांग्रेसका प्रवक्ता विश्वप्रकाश शर्माले कानुन व्यवसायी र पूर्वप्रधानन्यायाधीशहरुमाथि प्रधानमन्त्री केपी शर्मा ओलीको टिप्पणीप्रति आपत्ति जनाउँदै जवाफ दिएका छन् ।
संवैधानिक इजालास गठनप्रति कानुन व्यवसायीले आपत्ति जनाएको भन्दै प्रधानमन्त्रीले सोमबार आयोजित कार्यक्रममा कालोकोटधारीले न्यायालयलाई कहाँ पुर्याउँदै छन् भन्दै आक्रोश पोखेका थिए ।
त्यस्तै पूर्वप्रधानन्यायाधीशलाई ‘आफ्नो कार्यकालमा केही नगर्ने, पेन्सन खाएर न्यायालयको हुर्मत लिने ?’भन्दै आक्रोश पोखेका थिए । त्यसको जावफमा प्रवक्ता शर्माले समस्या कालोकोटमा नभई कालो सोचमा रहेको बताएका हुन् ।
उनले भनेका छन्, ‘कालो कोटमा होइन कालो सोचमा समस्या छ प्रधानमन्त्रीज्यू….! व्यक्तिको अभिव्यक्ति स्वतन्त्रता विरुद्ध शासकको भावनात्मक उत्तेजना सदैब निन्दनीय हुन्छ ! अरु बोले अराजक अभिव्यक्ति,आफू बोले अभिव्यक्ति स्वतन्त्रता ? विवेक बोल्ने पूर्वप्रधानन्यायाधीशहरु आउटडेटेड अनि आफ्नो आउटडेटेड राजनैतिक दर्शन चैं दिव्यज्ञान ? सम्माननीय प्रधानमन्त्रीज्यू, व्यक्तिको पहिचान अभिव्यक्तिमा हुन्छ,देशको प्रधानमन्त्री पदको गरिमा खस्काउने अभिव्यक्ति रोकौं अब !!!!’
अरु बोले अराजक अभिव्यक्ति,आफु बोले अभिव्यक्ति स्वतन्त्रता ?
विवेक बोल्ने पुर्व प्रधानन्यायाधीशहरु आउटडेटेड अनि आफ्नो आउटडेटेड राजनैतिक दर्शन चैं दिब्यज्ञान ?
सम्माननिय @Pm_Nepal ब्यक्तिको पहिचान अभिव्यक्तिमा हुन्छ,देशको प्रधानमन्त्री पदको गरिमा खस्काउने अभिव्यक्ति रोकौं अब !!!! pic.twitter.com/X0WJrbNK0s
— Bishwa Prakash शर्मा (@bishwaprakash77) June 1, 2021
`कालो कोट´ मा होइन `कालो सोच´ मा समस्या छ @PM_Nepal ….!
ब्यक्तिको अभिव्यक्ति स्वतन्त्रता विरुद्ध शासकको `भावनात्मक उत्तेजना´ सदैब निन्दनीय हुन्छ !
— Bishwa Prakash शर्मा (@bishwaprakash77) May 31, 2021
प्रतिक्रिया