राष्ट्रपति भण्डारीद्वारा वेलायतकी महारानीलाई कोभिड–१९ विरुद्धको खोप सहायता उपलब्ध गराउन अनुरोध

काठमाडौं । राष्ट्रपति विद्यादेवी भण्डारीले वेलायतकी महारानी एलिजावेथ द्वितीयलाई नेपाललाई कोभिड–१९ विरुद्धको खोप सहायता उपलब्ध गराउन अनुरोध गरेकी छन् ।

राष्ट्रपति भण्डारीले महारानी एलिजावेथलाई अनुरोधसहित लेखेको पत्र संयुक्त अधिराज्यको विदेश मन्त्रालयमार्फत ३० मेमा प्रेषित गरिएको नेपाली राजदूतावासले आइतबार जनाएको छ । बेलायतले गत साता नेपाल सरकारको अनुरोधबमोजिम नेपाल सरकारलाई स्वास्थ्य सामग्री उपलब्ध गराएको थियो ।

राष्ट्रपतिले रुसी समकक्षी भ्लादिमिर पुटिन, अमेरिकी समकक्षी जो बाइडेन र भारतीय समकक्षी रामनाथ कोविन्दलाई पनि खोप सहयोगका लागि पत्र लेखेकी छिन् ।