थप ३७०२ जनामा कोरोना संक्रमण, ६२०५ जना संक्रमणमुक्त

काठमाडौँ । नेपालमा थप ३७०२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रायलका अनुसार देशभर गरिएको १० हजार ९८६ पीसीआर परीक्षणमा ३ हजार ७०२ जनामा कोरोना पुष्टि भएको हो ।

यस्तै १७८४ एन्टिजेन परीक्षणमा ६६७ जनामा संक्रमण पुष्टि भएको छ । यस्तै, २४ घण्टामा ६२०५ जना कोरोना संक्रमणमुक्त भएका छन् । नेपालमा सक्रिय संक्रमितको संख्या १ लाख ८ हजार ८९७ पुगेको छ । क्वारेन्टाइनमा ७६३ जना छन् । स्वास्थ्य तथा जनसंख्या मन्त्रालयले दिएको जानकारी अनुसार देशभर गरी थप १०९ जनाको मृत्यु भएको छ ।