कोरोना संक्रमणबाट नेपाली सेनाका सहायक रथीको निधन
काठमाडौं । नेपाली सेनाका सहायक रथी दिनेशकुमार केसीको कोरोना संक्रमणका कारण निधन भएको छ । सैनिक अस्पताल छाउनीमा उपचाररत केसीको बिहीबार बिहान निधन भएको हो ।
सेनाको १३ नम्बर बाहिनी लगनखेलका बाहिनीपति रहेका केसीको उपचारकाक्रममा निधन सैनिक प्रवक्ता सहायकरथी सन्तोष बल्लभ पौडेलले जानकारी दिए । उनी करिब एक महिनाअघि देखि उपचाररत थिए । उनको चारदिन अघि भेन्टिलेटरमा राखेर उपचार सुर गरिएको थियो ।
केही महिनाअघिमात्र बंगलादेशबाट नेशनल डिफेन्स कोर्स (एनडीसी) गरेर फर्किएका केसी सेनामा व्यवसायिक र अब्बल अधिकृतका रूपमा परिचित थिए । सहायक रथीमा करिब एकवर्षअघि बढुवा भएका केसी काठमाडौंको न्यूरोडका बासिन्दा हुन् । केसीका श्रीमती र दुई छोरी छन् ।
