बनेपाको भोमी अस्पतालमा कोभिड उपचार सेवा शुरु
काभ्रेपलाञ्चोक । काभ्रेपलाञ्चोकको बनेपा नगरपालिका–१० जनगालस्थित भोमी अस्पताललाई कोभिड समर्पित डेडिकेटेड अस्पताल बनाइएको छ ।
आईतबार नगरपालिकाका प्रमुख लक्ष्मी नरसिंहवादे श्रेष्ठले उक्त अस्पतालको कोभिङ उपचार सेवाको उद्घाटन गरेका हुन्। नगरपालिकाको स्वीकृतिमा सञ्चालित १५ श्ययाको सो अस्पतालसँग सम्झौता गरी कोभिडबाट सङ्क्रमित विरामीको उपचारको लागि व्यवस्था मिलाएको छ ।
नगरपालिकाले चार शैयाको आइसियू र छ श्ययाको अक्सिजन सुविधासहित गरी दश श्यया नगरपालिकालाई कोभिड विरामी उपचारको लागि जिम्मा दिनुपर्ने सम्झौता गरेको छ । अस्पतालका प्रबन्ध निर्देशक सगुन कायस्थले जिल्लामा विरामीको उपचारमा थप सहजता प्रदान गर्नको लागि बनेपामा नै अस्पताल सञ्चालन गरिएको बताए ।
