जेठ १७ गतेसम्म अन्तर्राष्ट्रिय हवाई उडानमाथि प्रतिबन्ध
काठमाडौं । नेपालमा अन्तर्राष्ट्रिय हवाई उडानमाथिको प्रतिबन्ध जेठ १७ गतेसम्म लम्बिएको छ । नेपाल नागरिक उड्डयन प्राधिकरणले मंगलबार सूचना जारी गरी जेठ १७ गतेसम्म उडान प्रतिबन्ध लम्बिएको जानकारी दिएको हो ।
यसअघि कोरोनाभाइरसको महामारी नियन्त्रण गर्नसरकारले वैशाख मसान्तसम्म उडान प्रतिबन्ध लगाउने निर्णय गरेको थियो । यसबीचमा भारतसँग सातामा दुई उडान र एयरलाइन्सहरुले मेडिकल उडान, चार्टर्ड र कार्गो उडानको अनुमति भने पाउने छन् ।