ओलीले मधेसी दललाई फकाउनुको उद्देश्य राजनीतिक स्वार्थ बाहेक केही छैनः उपेन्द्र यादव



काठमाडौं । जनता समाजवादी पार्टी अध्यक्ष उपेन्द्र यादवले प्रधानमन्त्री केपी शर्मा ओलीलाई संघीयता विरोधी भएको आरोप लगाएका छन् । सोमबारको प्रतिनिधिसभा बैठकलाई सम्बोधन गर्दै अध्यक्ष यादवले ओली संघीयतालाई नै धरापमा पार्ने खेलमा रहेको आरोप लगाएका हुन् ।

उनले त्याग र बलिदानबाट प्राप्त भएको उपलब्धिलाई निस्तेज पार्ने ओलीलाई विश्वासको मत दिन नसकिने बताए । उनले ओलीले मधेसी दललाई फकाउने प्रयास गरिरहेको आफूले बुझेको भन्दै त्यो राजनीतिक स्वार्थ बाहेक केही हुन नसक्ने बताए ।

उनले देश कोरोना महामारीले आक्रान्त बनेको बेला प्रधानमन्त्रीको ध्यान चितवनको अयोध्यातिर गएका कारण स्थिति भयावह भएको बताए । उनले कोभिडका कारण दैनिक दर्जनौ नागरिकको मृत्यु भइरहेको तर सरकार कमिशनको खेलमा लागेर खोप खरिद रोकेको आरोप लगाए ।

उनले भने,‘कमिशनको खेलमा लागेर कारण खोप समेत रोकियो । कस्तो होला ओली सरकार । जनताको जीवनसँग खेलबाड गर्ने ओलीलाई कसले विश्वास गर्ने ?’ उनले संसद चल्दा चल्दै एउटै विधेयक प्रस्तुत नगरी सभामुखलाई समेत जानकारी नदिइ अधिवेशन अन्त्य गरेको भन्दै प्रधानमन्त्रीप्रति आक्रोश पोखे । उनले ओलीका पालमा सबैभन्दा बढी मधेसीलाई मुद्दा लागेको भन्दै राजनीतिक मुद्दा राजनीतिक तबरबाट सम्बोधन गर्नुपर्ने बताए ।

तर अर्का अध्यक्ष महन्थ ठाकुरले भने ओलीले आफूहरुको केही माग सम्बोधन गरेको भएपनि त्यो अझै पर्याप्त नभएकाले आफू तटस्थ बस्ने बताए । उनले आफूहरु प्रस्तावको पक्ष र विपक्ष दुबैमा नरहेको बताए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
त्रिविको उत्तरपुस्तिका हराएको सम्बन्धमा छानबिन गर्न उच्चस्तरीय समिति गठन

काठमाडौं । त्रिभुवन विश्वविद्यालयले उत्तरपुस्तिका हराएको घटना छानबिन गर्न तीन सदस्यीय उच्चस्तरीय समिति

नेपालमा ६० देशका अवैतनिक वाणिज्यदूत

  काठमाडौँ ।  पछिल्लो समय नेपालमा विभिन्न देशका लागि अवैतनिक वाणिज्यदूतको सङ्ख्या बढ्दै

शिक्षा मन्त्रालयका बीस कर्मचारीलाई स्पष्टीकरण, दुई सहसचिवको सरुवा

काठमाडौँ । हाजिर गरी बिना जानकारी कार्यालयबाट बाहिर गएको सम्बन्धमा शिक्षा, विज्ञान तथा

न्यायमा पहुँच अभिवृद्धि गर्न लाग्नुपर्छः प्रधानन्यायाधीश श्रेष्ठ

काठमाडौँ । प्रधानन्यायाधीश विश्वम्भरप्रसाद श्रेष्ठले छिटो, कम खर्चिलो र न्यायमा पहुँच अभिवृद्धि गर्नमा