भेरी अस्पतालका चिकित्सक, स्वास्थ्यकर्मी र कर्मचारी गरी ७३ जनामा कोरोना संक्रमण
काठमाडौं । नेपालगंजस्थित भेरी अस्पतालका चिकित्सक, स्वास्थ्यकर्मी र कर्मचारी गरी ७३ जनामा कोरोना संक्रमण भएको छ । अस्पतालका अनुसार कोभिड–१९ को दोश्रो लहरसँगै अस्पतालका स्वास्थ्यकर्मी तथा कर्मचारीमा यसको संक्रमण उल्लेख्य रुपमा देखापरेको छ ।
बैशाख एक गते यता ७३ जना कर्मचारीमा यसको संक्रमण पुष्टि भएको छ । जसमा महिला ४४ जना, पुरुष २७ जना रहेका छन् । त्यसमा नर्सिङ कर्मचारीहरु ३३ जना, सहायक कर्मचारीहरु (क्लिनर, हेल्पर) २२ जना, चिकित्सक ८ जना, प्यारामेडिक्स ८ जना र प्रशासनमा कार्यरत दुई जना कर्मचारीलाई संक्रमण भएको अस्पतालले जनाएको छ ।
