एसीसीए नेपाल र एनसिए कलेज अफ म्यानेजमेन्टको संयुक्त आयोजनामा शिक्षकहरुलाई तालिम
काठमाडौं । एसीसीए नेपाल र एनसिए कलेज अफ म्यानेजमेन्टको संयुक्त आयोजनामा चैत २१ गते मणिग्राम रुपन्देहीमा पाल्पा, नवलपरासी र रुपन्देहीका कक्षा ११ र १२ का लेखाशास्त्र विषय अध्ययन गराउने ३२ कलेजका शिक्षकहरुलाई तालिम दिइएको छ ।
हाल परिवर्तित पाठ्यक्रममा समावेश गरिएका केही पाठ्यसामग्रीलाई समेत मध्यनजर गरी तालिम दिइएको हो । तालिमको उद्घाटन गर्दै एसीसीए नेपालका प्रमुख रविन कट्वालले तालिमको महत्वमाथि प्रकाश पारेका थिए ।
त्यसैगरी नेपाल शिक्षक महासंघका राष्ट्रिय अध्यक्ष बाबुराम थापा न्यू होराइजन कलेजका संस्थापक लोकनाथ उपाध्याय, तिलोत्तमा क्याम्पसका प्राचार्य प्रा.डा. रामचन्द्र आचार्यले कार्यक्रमको सफलताको शुभकामना दिएका थिए ।
