जिप दुर्घटना हुँदा सिन्धुलीमा चार जनाको मृत्यु
सिन्धुली । सिन्धुलीमा जिप दुर्घटना हुँदा ४ जनाको मृत्यु भएको छ भने सात जना घाइते भएका छन् । सिन्धुलीमाढीबाट कमलामाई नगरपालिका–७ बाँसकटेरी गइरहेको बा १७ च १११७ जिप घुम्ती मोड्ने क्रममा दुर्घटना भएको हो ।
मृत्यु हुनेहरुमा कमलामाई–७का ६५ वर्षीय रुद्रबहादुर थापा, १८ वर्षीया रिता यसमाली,१९ वर्षीया दुर्गा श्रेष्ठ र उनका दुई वर्षको छोरा मनिष श्रेष्ठ रहेका सिन्धुलीका प्रमुख जिल्ला अधिकारी सुरेश न्यौपानेले जानकारी दिएका छन् । घाइते ७ जनामध्ये दुईको अवस्था गम्भीर रहेको उनले बताए ।
