हेलिकप्टरमा शेरधनको ससुराली यात्रा(फोटोफिचर)
काठमाडौं । प्रदेश एकका मुख्यमन्त्री शेरधन राई हेलिकप्टर लिएर ससुराली गएका छन् । उनी श्रीमती जाङ्ग्मु शेर्पाका साथ हेलिकोप्टर चार्टर गरी मंगलबार संखुवासभास्थित मकालु गाउँपालिकाको सेदुवा गएका हुन् ।
उनीहरुसँग त्यहाँका सांसद राजेन्द्र गौतमलगायतका एमालेका केही नेता तथा कार्यकर्ता पनि छन् । मुख्यमन्त्री राई करिब दुई महिना अघि मात्र विवाहबन्धनमा बाँधिएका थिए । राई दम्पत्ति हेलिकोप्टर अगाडि मख्ख परेर उभिएको फोटो सार्वजनिक भएपछि यो विषय बाहिरिएको हो । राईकी श्रीमती शेर्पाले फेसबुकमा फोटो शेयर गर्दै हेलिकप्टर चढेर माइती हिँडेको जानकारी गराएकी छन् ।
उनले लेखेकी छन्, ‘भर्खरै आफ्नो जन्मस्थल संखुवासभा मकालु गाउँपालिकाको सेदुवा र नोर्बुको भ्रमण मेरो श्रीमान् माननीय शेरधन राई र सबै सपरिवारका साथ गर्न पाउँदा असाध्यै खुशी लाग्यो !’, उनले लेखेकी छिन्, ‘म त जन्मिएको मात्रै, मेरो गाउँ अति नै सुन्दर रहेछ ! सबैले न्यानो स्वागत र सत्कार गर्नुभयो, धेरै खुशी लाग्यो !’
