प्रतिनिधिसभाको बैठक चैत ३ गतेसम्मका लागि स्थगित
काठमाडौं । प्रतिनिधिसभाको बुधबारको बैठक शोक प्रस्ताव पारित गरि स्थगित भएको छ । निधन भएका १४ जना पूर्वसांसदहरूको शोक प्रस्ताव पारित गर्दै अर्को बैठक चैत ३ गते बस्ने स्थगित भएको छ ।
बैठकले प्रतिनिधिसभा सदस्य सानु शिवा र सूर्यबहादुर केसी तथा पूर्व सांसद दीपकबहादुर गुरुङ, डा राममान श्रेष्ठ, मानपुर चौधरी, वीरबहादुर लामा, ओमकारप्रसाद गौचन, इन्द्रहाङ लिम्बू, भीमप्रसाद गौतम, कमानसिंह लामा, गङ्गादत्त जोशी, एकनाथ रानाभाट, कुबेरप्रसाद शर्मा र डा शङ्करप्रसाद उप्रेतीको निधनप्रति शोक प्रस्ताव पारित गरेको हो । बैठकमा सहभागी हुन संसद भवन पुगेका प्रधामन्त्री केपी शर्मा ओली ने बैठक सुरु नहुँदै बाहिरिएका थिए ।
सर्वोच्च अदालतले प्रतिनिधिसभा पुनःस्थापना गर्ने निर्णय गरेपछि पहिलो बैठक यही फागुन २३ गते बसेको थियो । पहिलो बैठक अवरुद्ध भएपछि सूचना टाँस गरी आजका लागि बोलाइएको थियो । प्रतिनिधिसभाको अर्को बैठक आगामी चैत ३ गते दिउँसो १ बजे बस्ने भएको छ ।
