सत्ता साझेदारीबारे प्रचण्ड र देउवाबीच छलफल
काठमाडौँ। नेकपा माओवादी केन्द्रका अध्यक्ष पुष्पकमल दाहाल प्रचण्ड र नेपाली कांग्रेसका सभापति शेरबहादुर देउवाबीच भेटवार्ता भएको छ ।
कांग्रेस सभापति देउवालाई भेट्न माओवादी केन्द्रका अध्यक्ष प्रचण्ड मंगलबार देउवा निवास बूढानीलकण्ठ पुगेका थिए । भेटमा पछिल्लो राजनीतिक घटनाक्रम, सत्ता साझेदारी र सम्भावित घटनाक्रमबारे छलफल भएको देउवाका स्वकीय सचिव भानु देउवाले जानकारी दिएका छन् । उनीहरुबीच करिव आधाघण्टा छलफल भएको थियो ।
सर्वोच्च अदालतले नेकपा एमाले र माओवादी केन्द्रलाई ब्युँत्याइदिएपछि मंगलबार बसेको माओवादी केन्द्रको स्थायी कमिटी बैठकले नयाँ सरकार गठनका लागि प्रमुख प्रतिपक्षी दल कांग्रेस र जनता समाजवादी पार्टीसँग वार्ता अगाडि बढाउने निर्णय गरेको थियो । पार्टीको निर्णय लगत्तै अध्यक्ष प्रचण्ड कांग्रेस सभापति देउवालाई भेट्न बुढानीलकण्ठ पुगेका थिए ।
