प्रचण्ड–नेपाल समूहले सर्वोच्चको फैसलाबारे सोमबार पार्टीको धारणा सार्वजनिक गर्ने
काठमाडौं । नेकपाको प्रचण्ड–नेपाल समूहले आधिकारिकता सम्बन्धी सर्वोच्च अदालतले गरेको फैसलाको सन्दर्भमा कानुन व्यवसायीसँग परामर्श गरेको छ ।
आइतबार साँझ नेकपाको संसदीय दलको कार्यालय सिंहदरबारमा नेकपाका अध्यक्षद्वय पुष्पकमल दाहाल प्रचण्ड र माधवकुमार नेपाल लगायतका नेताहरुले सर्वोच्चको फैसलाको सम्बन्धमा कानुन व्यवसायीहरुसँग छलफल गरेका हुन् । छलफलपछि अध्यक्ष प्रचण्डले सर्वोच्चको फैसला अनपेक्षित र राजननीतिक प्रकृतिको भएको सुझाव आएको जानकारी दिए ।
उनले फैसलाबारे सोमबार स्थायी कमिटीको बैठक बसेर धारणा सार्वजनिक गर्ने बताए । हामीहरुको तर्फबाट नेकपा एमाले र माओवादी केन्द्र दर्ता नगरेको भन्दै अध्यक्ष प्रचण्डले यो विषयलाई फैसलासँग जोड्न नमिल्ने बताए । उनले यसलाई जबर्जस्ती जोड्न खोजिए राम्रो नहुने चेतावनी दिए ।
