सरकार र विप्लव समूहलाई इमान्दार वार्ताबाट समाधानमा पुग्न कांग्रेसको आग्रह
काठमाडौं । नेपाली कांग्रेसले नेत्रविक्रम चन्द नेतृत्वको नेकपासँग सरकारले वार्ता गर्न टोली गठन गर्नु सकारात्मक भएको बताएको छ ।
प्रवक्ता विश्वप्रकाश शर्माले मंगलबार विज्ञप्ति जारी गरी वार्ता समिति गठन सकारात्मक भएको भन्दै इमान्दार वार्ताबाट समाधानमा पुग्न आग्रह गरेका हुन् ।
शर्माले नेपाली कांग्रेस सबै समस्याको समाधान वार्ता, संवादबाट गर्नुपर्ने मान्यतामा दृढ रहँदै आएको उल्लेख गरेका छन् । विज्ञप्तिमा भनिएको छ, ‘सरकार र विप्लव समूहले इमान्दारीपूर्वक बहुलवादमा आधारित संघीय लोकतान्त्रिक गणतन्त्रात्मक, संसदीय शासन प्रणालीको परिधि भित्र रहि समाधान खोज्ने छन् भन्ने नेपाली कांग्रेसले विश्वास लिएको छ ।’
