पूर्वप्रधानमन्त्री भट्टराई दिल्लीस्थित यकृत अस्पताल भर्ना
काठमाडौं । पूर्वप्रधानमन्त्री डा. बाबुराम भट्टराई अस्पताल भर्ना भएका छन् । पूर्वप्रधानमन्त्री भट्टराईलाई मंगलबार दिल्लीस्थित यकृत एवं पित्त विज्ञान संस्थानमा विहान ९ बजे भर्ना गरिएको हो ।
भट्टराईलाई आज दिनभर अस्पतालमा राखी आवश्यक सबै परीक्षण गरिने उनका सहयोगी विश्वदीप पाण्डेले जानकारी दिएका छन् । उनी लामो समयदेखि पेट सम्बन्धी समस्याबाट पीडित छन् ।
चिकित्सकहरुले न्युरो–इन्डोक्राइनको ट्युमर भएको आशंका गरी उपचार गर्न दिल्ली जान सुझाव दिएका थिए । चिकित्सकको सुझाव अनुसार भट्टराई आइतबार दिल्ली गएका हुन् ।
