‘तत्कालीन राजालाई जसरी अहिलेको संविधानमा प्रधानमन्त्रीलाई संसद विघटनको अधिकार छैन’
काठमाडौं । वरिष्ठ अधिवक्ता पूर्णमान शाक्यले प्रधानमन्त्रीलाई संसद विघटनको विशेषाधिकार नदिएको बताएका छन् । प्रतिनिधिसभा विघटनविरुद्धको रिटमा एमिकस क्युरीकातर्फबाट बिहीबार बहस गर्दै शाक्यले तत्कालीन राजालाई जसरी अहिलेको संविधानमा प्रधानमन्त्रीले प्रतिनिधिसभा विघटन गर्न नसक्ने बताएका हुन् ।
लिखित संविधानमा कुनै पनि निकायको अधिकार सीमित हुन्छ भन्दै शाक्ले सीमा नाघेर काम गरे नगरेको हेर्नुपर्ने बताए ।
उनले भने, ‘जनताले संविधानसभामार्फत विशेषाधिकार शक्तिलाई सीमित गरेर संविधान बनाएका हुन् । हाम्रो संविधानमा प्रधानमन्त्रीलाई विशेषाधिकार दिइएको छैन ।’ उनले विघटनको मुद्दालाई राजनीतिक भनेर पन्छिन नमिल्ने बताए । एमिकस क्यूरीका तर्फबाट बद्रीबहादुर कार्की, सतिसकृष्ण खरेल, विजयकान्त मैनाली र शाक्यले बहस गरेका छन् ।
