थप १२७ जनालाई कोरोना संक्रमण, १३६ जना संक्रमणमुक्त
काठमाडौं । नेपालमा थप १२७ जनालाई कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप १२७ जनालाई संक्रमण पुष्टि भएको हो । योसँगै नेपालमा कोरोना संक्रमितको संख्या २७२५५७ पुगेको छ ।
त्यस्तै शुक्रबार थप १३६ जना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या २६८७९६ पुगेको छ । पछिल्लो २४ घण्टामा थप दुई जनाको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या २०५४ पुगेको छ । क्वारेन्टाइनमा ७९ जना रहेका छन् भने आइसोलेसनमा १७०७ जना सक्रिय संक्रमित रहेका मन्त्रालयले जनाएको छ ।
