झाँक्रीको गिरफ्तारीले सरकारको सर्वसत्तावादको चरित्र उदांगो भयोः प्रवक्ता श्रेष्ठ
काठमाडौं । नेकपाको प्रचण्ड–नेपाल समूहले पार्टी केन्द्रीय सदस्य रामकुमारी झाँक्रीलाई सरकारले पक्राउ गरी सर्वसत्तावादको चरित्र उदांगो पारेको बताएको छ ।
पार्टी प्रवक्ता नारायणकाजी श्रेष्ठले विज्ञप्ति जारी गरी झाँक्रीको गिरफ्तारीले पार्टी आश्चर्य चकित भएको भन्दै यसबाट संविधानले प्रत्याभूत गरेको अभिव्यक्ति स्वतन्त्रताको सरकारले खिल्ली उडाएको बताएका हुन् । उनले उनले राजनीतिक आलोचनालाई राज्यविरुद्धको कसुर देख्नु दृष्टिभ्रम मात्र भएको उल्लेख गरेका छन् । प्रवक्ता श्रेष्ठले झाँक्रीलाई विनाशर्त अबिलम्ब रिहाइको मागसमेत गरेका छन् ।
