नेकपा विभाजनलाई मान्यता नदिने निर्वाचन आयोगको निर्णय
काठमाडौं । निर्वाचन आयोगले नेपाल कम्युनिस्ट पार्टी (नेकपा) का दुई समूहले गरेको विभाजन घोषणालाई अस्वीकार गरेको छ । प्रचण्ड नेपाल समूह र केपी शर्मा ओली समूहले निर्वाचन आयोगमा पार्टी अलग भइसकेको भन्दै दाबी पेश गरेकामा आयोगले दुबैको दाबी खारेज गर्दै नेकपाको पुरानै व्यवस्थालाई मान्यता दिएको हो ।
निर्वाचन आयोगका प्रवक्ता राजकुमार श्रेष्ठले विधान र पदाधिकारी फेरबदल आपसमा नमिलेकाले आयोगले पहिलेकै पार्टी यथावतै रहने निर्णय गरेको जानकारी दिए । आयोगले अब साविककै विवरण अनुसार कायम भएको जानकारी नेकपा अध्यक्ष केपी शर्मा ओली र पुष्पकमल दाहाल प्रचण्ड दिनेछ ।
योसँगै केपी ओलीमाथि कारबाही र माधव नेपाललाई अध्यक्ष बनाएको निर्णयपनि अमान्य भएको छ । आयोगले निर्णयबारे ओली र प्रचण्डलाई सोमबार पत्र पठाइनेछ । प्रधानमन्त्री ओलीले पुस ५ गते प्रतिनिधिसभा विघटन गरेर मध्यावधि निर्वाचनमा जाने निर्णय लिएसँगै नेकपा राजनीतिक रुपमा विभाजित छ ।
