राजपत्रमा प्रकाशित सूचनाको आधिकारिकता जाँच गर्न माग गर्दै सर्वोच्चमा निवेदन
काठमाडौं । प्रतिनिधिसभा विघटनसम्बन्धी राजपत्रमा प्रकाशित सूचनाको आधिकारिकता जाँच गर्न माग गर्दै सर्वोच्च अदालतमा निवेदन परेको छ । नेकपाको प्रचण्ड–नेपाल समूहका नेताहरू कृष्णभक्त पोखरेल, शशी श्रेष्ठ, रामकुमारी झाँक्रीलगायतले संवैधानिक इजलासमा निवेदन दिएका हुन् ।
बिहीबार इजालसमा प्रश्न उठेपछि मात्रै यससम्बन्धी सूचना राजपत्रमा प्रकाशित गरिएको थियो । त्यसपछि शुक्रबार इजालसमा राजपत्रको सूचना पेस भएको थियो । वेवसाइटमा शुक्रबार मात्रै अपलोड भएको सो सूचना पुस ५ गतेकै मितिमा थियो । यो विवादमा वरिष्ठ अधिवक्ता रमण श्रेष्ठले आज बोल्न खोजेका थिए । तर प्रधानन्यायाधीश चोलेन्द्र शमशेर जबराले उनलाई रोकेका थिए ।