काठमाडौं विश्वविद्यालयमा विवादित पदाधिकारीलाई नियुक्त नगर्न डा. केसीको चेतावनी
काठमाडौं । चिकित्सा शिक्षा अभियन्ता डा. गोविन्द केसीले काठमाडौं विश्वविद्यालयमा पदाधिकारी नियुक्तिमा भइरहेको चलखेलप्रति गम्भीर ध्यानाकर्षण भएको बताएका छन् ।
आइतबार विज्ञप्ति जारी गरी केसीले आफूसँग भएको सम्झौता विपरीत पदाधिकारी नियुक्ति गर्न लागिएको भन्दै आपत्ति जनाएका हुन् ।
केसीले विज्ञप्तिमा भनेका छन्, ‘हामी लामो समयदेखि विश्वविद्यालय सुधारका लागि पदाधिकारी नियुक्तिमा दलीय भागवण्डाको अन्त हुनुपर्ने मागसहित संघर्षमा छौं । पछिल्लो सत्याग्रहपछि नियुक्ति प्रक्रियामा सुधारका लागि कानुनी व्यवस्था गर्ने सम्झौता समेत भएको छ । त्यसैले हामीसित सम्झौता भए बमोजिम नयाँ कानुन नबनुन्जेल वरिष्ठता तथा कार्यक्षमताका आधारमा पदाधिकारी नियुक्ति गर्न तथा भ्रष्ट र काठमाडौं विश्वविद्यालयका विवादित पदाधिकारीहरुलाई फेरि नियुक्त नगर्न सरकारको ध्यानाकर्षण गराउँछौं ।’
