प्रतिनिधिसभा विघटनको विरोधमा जनता समाजवादी पार्टीद्वारा काठमाडौंमा प्रदर्शन
काठमाडौं । प्रतिनिधिसभा विघटन गर्ने प्रधानमन्त्री केपी शर्मा अोलीको असंवैधानिक, अलोकतान्त्रिक र प्रतिगमनकारी कदमको विरुद्ध जनता समाजवादी पार्टीले काठमाडौंमा आइतबार विरोध प्रदर्शन गरेको छ ।
शान्तिबाटिकाबाट शुरू भएको र्यालीमा शीर्ष जनता समाजवादी पार्टीका नेताहरु डा. बाबुराम भट्टराई, उपेन्द्र यादव, राजेन्द्र महतो, राजेन्द्र श्रेष्ठ, हिसिला यमी, गंगा श्रेष्ठ, नवराज सुवेदी लगायतको सहभागिता छ ।
प्रदर्शनपछि पार्टीले शान्तिबाटिकामा विरोध सभा आयोजना गर्नेछ । सभालाई जसपाका शीर्ष नेताहरुले सम्बोधन गर्ने कार्यक्रम छ । यसअघि शनिबार जसपाले प्रधानमन्त्रीको कदमविरुद्ध देशभर राँके जुलुल निकालेको थियो ।
फोटो: विश्वदीप पाण्डेको फेसबुकबाट
