प्रतिनिधिसभा विघटनकाविरुद्ध जनता समाजवादी पार्टीद्वारा मसाल जुलस प्रदर्शन
काठमाडौं । प्रतिनिधिसभा विघटन गर्ने प्रधानमन्त्री केपी शर्मा ओलीको कदमलाई असंवैधानिक भन्दै जनता समाजवादी पार्टी नेपालले शनिबार देशव्यापी मसाल जुलुस निकालेको छ । मसाल जुलुस प्रदर्शन गर्दै जसपाले असंबैधानिक कदम फिर्ता लिन माग गरेको छ ।
विघटनको बिरोधमा सप्तरीको स्थानीय शिवमन्दिर प्राङ्णबाट मसाल जुलुससहित निस्केका जसपाका नेता कार्यकर्ताले प्रधानमन्त्री र राष्ट्रपति बिरुद्ध चर्को नाराबाजी गर्दै बजार क्षेत्र परिक्रमा गरेका थिए । मसाल जुलुसमा सहभागीहरुले प्रतिनिधिसभा विघटन गर्ने असंवैधानिक कदम खारेज गर, सर्वसत्तावादी मुर्दावाद लगायतका नाराबाजी गरेका थिए ।
