६५ प्रतिशत केन्द्रीय सदस्य आफूहरुसँग हुनुहुन्छ,बालुवाटार भेला अवैधानिकः प्रचण्ड



काठमाडौँ । सत्तारुढ नेकपाका कार्यकारी अध्यक्ष पुष्पकमल दाहाल प्रचण्डले अर्का अध्यक्ष केपी शर्मा ओलीले बालुवाटारमा गरेको केन्द्रीय समिति बैठकले वैधानिकता प्राप्त गर्न नसक्ने बताएका छन् ।

आफू पक्षीय केन्द्रीय समिति बैठकलाई सम्बोधन गर्दै अध्यक्ष प्रचण्डले ६५ प्रतिशत केन्द्रीय सदस्य आफूहरुसँग रहेको भन्दै बालुवाटार भेलाले बैधानिकता नपाउने बताएका हुन् । उनले भने, ‘निर्वाचन आयोगको नियम कानुन ऐनअनुसार यो बैठक वैधानिक र आधिकारिक हो । बालुवाटारमा भएको भेला वैधानिकता प्राप्त लायक छैन ।’ प्रचण्डले पार्टीका वरिष्ठ नेता माधव नेपाल र झलनाथ खनाल आफूहरुको पक्षमा रहेको भन्दै यसको पनि ख्याल राख्नुपर्ने बताए । उनले सचिवालय सदस्यहरु वामदेव गौतम र रामबहादुर थापा पनि आफ्नो पक्षमा आउने बताए ।

’रामबहादुर थापा बादललाई आज बिहान पनि भेटेर कुरा गरेको छु । वामदेवजी र थापजीसँग मेरो भावनात्मक सम्बन्ध छ । यो नै आधिकारिक पार्टी हो । उहाँहरुलाई सगौरव आउन आग्रह गर्छु,’ उनले भने, ’यो हलले वामदेव र बादललाई अगाडि देख्न चाहेको छ ।’ उनले ओलीको स्वेच्छाचारिताले यो स्थिति सिर्जना भएको भन्दै अझै पनि संसद विघटन नभएको बताए । यहाँ तत्कालीन एमाले र तत्कालीन नेकपा माओवादी केन्द्रका नेताहरुको ठूलो उपस्थिति रहेको भन्दै उनले यो ती दुई पार्टी मिलेर बनेको

नेपाल कम्युनिस्ट पार्टी (नेकपा) भएको कसैंलाई भ्रममा नपर्न आग्रह गरे । उनले ओलीको केन्द्रीय समिति विस्तार गर्ने निर्णयमा आपत्ति जनाएका छन् । प्रचण्डले एक तिहाई केन्द्रीय सदस्य भएको वालुवाटार भेलाले झण्डै २ तिहाई सदस्य संख्या कसरी थप्नसक्यो भनि प्रश्न गरेका छन् । ओलीको स्वच्छेचारिता बढेको भन्दै प्रचण्डले सचिवालय बैठकमा छुट्टै लिखित प्रस्ताव प्रस्तुत गरेका थिए । सोही प्रस्ताव प्रस्तुत गरेपछि नेकपामा लिखित रुपमै आरोप प्रत्यारोप चलेको थियो ।

यसअघि आजै बिहान बालुवाटारमा बसेको ओली निकटको केन्द्रीय समिति बैठकले एकता महाधिवेशनका लागि भन्दै ११ सय ९९ जना सदस्य रहने केन्द्रीय कमिटी गठन गरेको थियो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
लोकतान्त्रिक अभ्यासमा प्रहार गर्न बोलाइएको संवैधानिक परिषद्को बैठकमा भाग नलिन परिषदका अन्य सदस्यलाई देउवाको आग्रह

काठमाडौँ । नेपाली कांग्रेसका सभापति शेरबहादुर देउवाले प्रधानमन्त्री केपी शर्मा ओलीले आइतबारका लागि

प्रधानमन्त्रीज्यू, संक्रमित परिवारले आफ्नो‌ स्वास्थ्यको ख्याल गर्ने कि, मृत्युमा शोक गर्ने कि, सीसीएमसीको प्रकृया पुरा गर्ने ?

कुमार शर्मा आचार्य । सरकारले कोरोनाको व्यवस्थापन जटिल बनाएको रहेछ! सरकारले अस्पतालको व्यवस्था

काभ्रेमा आइसोलेसन कक्ष व्यवस्थापनमा स्थानीय तह सक्रिय

वनेपा । काभ्रे जिल्लाका स्थानीय तहहरु आइसोलेसन कक्ष व्यवस्थापन गर्न सक्रिय भएका छन्

म्याग्दीको मालिकामा २० शय्याको आइसोलेसन वार्ड निर्माण

म्याग्दी । म्याग्दीको मालिका गाउँपालिकाले कोरोना सङ्क्रमितको उपचार गर्न १५ शय्याको आइसोलेसन वार्ड