११९९ सदस्यीय महाधिवेशन आयोजक कमिटी बनाउने ओलीको घोषणा
काठमाडौं । प्रधानमन्त्री तथा नेकपाका अध्यक्ष केपी शर्मा ओली समूहले महाधिवेशन आयोजक कमिटी घोषणा गरेको छ । मंगलबार प्रधानमन्त्री निवास बालुवाटारमा बसेको ओली पक्षको केन्द्रीय कमिटीको बैठकले ५५६ नयाँ सदस्य थप गरेर महाधिवेशन आयोजक कमिटी बनाउने घोषणा गरेको हो ।
ओलीले साबिकको ४४६ सदस्यीय केन्द्रीय कमिटीमा ५५६ जना नयाँ सदस्य थपेर ११ सय ९९ सदस्यीय घोषणा गरेका हुन् ।कमिटीमा बाँकी १९७ जना पछि थपिने बताइएको छ ।
ओली समूहको बैठक बालुवाटारमा जारी छ । बैठकमा पूर्वमाओवादी निकट मानिएका नेकपा स्थायी कमिटी सदस्य टोपबहादुर रायमाझी र मणि थापा पनि सहभागी भएका छन् । भेलामा नेकपा उपाध्यक्ष वामदेव गौतम र सचिवालय सदस्य रामबहादुर थापा भने सहभागी छैनन् ।